Schisst mi rechtig ah, d Welt macht werklech Rückschritt.

Hed öbber e chli öbbis wo hoffnig macht? D Ussechte of Gaza, Ukraine, Klimawandel, meh Falschinformatione ond ere Normalisierig vo Rechtspopuliste ond Persone i de Politik wo för nüd zor Recheschaft zoge wärde passe mer gar ned.

Nei Ölbert, de Trump hetti für die Legislatur kei besonneni Lüüt me im Stab. Nei Ölbert, weder de Biden no Kamal hend en Chrieg gfüehrt. Nei Ölbert, nöd "just one more lane, Bro"

Und Ölbert: de Trump het genau so wiener s letscht mal aakündiget het kei Chrieg z füehre, dasmal aakündiget so en Chrieg z füehre: Als Fascho gege andersdenkendi ide USA.

I chume ned ganz drus wieso mer do ja stimmt. ich verstah das es scheisse isch im stau stah und dases lüt git die mitem Auto müend go arbeite will sie z.B. zu chunde fahre müesse. Das argument mit ÖV isch tüürer chani ned verstoh, für die meiste autos isches 2. Klass GA besitmmt günstiger. Den gits no sargument das mehr sicherheit i de Dörfer wet viel de Vercher viel dert ume gleit wird, ich finde de Punkt ned e so schlecht, drgägä cha ich ned vel argumentiere.... den gits lüüt wo sägäd dasmer zum biespiel im düütsche 8 spuurig het und unlimitierti geschwindigkeite, ich denk mir den so ja und? mir sind ned die düütsche und das ÖV dert isch würklech grotteschlächt.

Mini Begründig wieso isch gägä de autobahnusbou bin: Wie die letzte mal wome dautobahne het usbaut isch 2-3 monate speter wider genau dr gliech stau gsi, usem grund wenn de autobahne läärer sind wirds für lüt wo z.B. uf ÖV umgstige sind wieder attraktiver mitem auto zgah, durch das wird es wieder mehr autos ha als jetzt also chans sehr guet si das churzi zit speter genau dir gliech stou wie vorher isch. Zudem chame die Milliarde wo da usgäh wärdet, i Öv investiere um de Ökologischere ÖV irgendwie attraktiver zmache. Zudem verstah ich ned ganz wieso mehr kei Fahrgmeinschafte bildet bide autos. 92% vode Autos uf de Autobahne am Morge und zobig hocked nur 1 Person dinne, dautos sind durchschnittlech 30% grösser worde also brucht 1 person mehr platz als früehner, da chönnt me vilech aus bevölkerig au dranne schaffe statt immer e huere protzcharre zchuufe obwou me de meistens alleini dinne hocket.. Weme würd bitzeli Fahrgmeinschafte bilde, dert irgendwie geld ine stecke, für irgendwelchi programm erstelle, den würd sech de Vercher au sofort halbiere, ich weis das es vielne Lüt ahschiesst am morge mit lüt zrede oder dasne dr ufwand zmüehsam isch lüt zsueche, chani 100% nachevollzieh, aber mengisch muess mer vilech sini bedürfnis chli zruggstecke und ad bevölkerig und umwelt dänkä.

Was säged ihr, mir würds interessiere wieso ihr eventuel für de usbau sind.

Throwaway wel das potenziell sehr kontrovers isch.

Ich ha i de letschte 4 Jahre ufgrund vo minere Gsundheit dörfe/müese mit em Sozialamt Bekanntschaft mache. Ich ha da debi es paar schlechti Erfahrige gmacht und ich frög mich ernschthaft wie dases i oisem Land ok isch Mensche wo bereits am Bode ligged no so z behandle.

Isch das so gwollt wel mer grundsätzli devo mues usga das alles Schmarotzer sind? Mier fehled ehrlich gseit d Wort.

Wie tüüf chame am Putin in Arsch chrüüche? De Köppel: Ja! Riiichdig röidig.

Für sowas brüchds e neui Kategorie i däm Undr.

Klar, di junge wähled nid und di alte säck wähled SVP... abr trotzdem hani müeh zum jeds mal vrstah, wieso de Kanton so cheibe konservativ isch.

Also jetzt mol nommel kack Politik.

Eigentlich isch jo jedem gegönnt zum en 13te ha. Au de liebe Boomer Generation wo üs nebed em Ozonloch und em CO2-Budget-Loch au s'AHV-Loch hinterloot. Aber jetzt drift i scho wider ab, da isch eigentli nöd s'Ziel gsi.

Es isch natürli sehr trurig wenn alti Lüt nöd nur körperlich sondern au finanziell am Verrotte sind.

I wür jetzt behaupte, dass die arme Alte vor allem arm sind will ihri AHV zu tüf isch, da cha verschideni Gründ ha. Genau do chunt mini hauptsächlich Verwirrig is Spiel und es Argument wo no keine gschid beantwortet het:

- Warum en 13te? Dur da bechömed die wo eh scho wenig übercho hend halt no es 13ts mol wenig. Und die wo viel AHV bechömed, die bechömed au es 13ts mol viel.

Dezue no en andere Punkt wo mi au chli ärgeret:

- Luut Umfrog sind die Pensionierte die, wo für es Rentealter 66 sind (logisch, si sind jo scho pensioniert). Genau die wönd, das mir ihne en 13te gönned während si üs kei Pension mit 65gi gönned.

Wie sind ihr in de anderne Kantön ihgstellt?

Wie fest glaubet ihr a das? Was würds uf de effektivi normalverdiener zspüre beho? Meh abzüg?

Ich "därf" d Adminischtrazion vo dä AHV Ergänzigsleischtigä für äs Familie Mitglied wo 85i isch machä. Ich cha mer vorschtelä dass das für die meischtä eltere Lüt z schwirig isch, die verdammti Bürokratie!

Jetzt chunnt dä mit äm 13. für d AHV. Super, aber d Ergänzigsleischtigä händ ja überal än Höchschtwärt dinä. I dä Initiativä heists das d Ergänzigsleischtigä nöd kürzt werde därfed. Das heisst mit andere Wort, die Höchschtwärt müend erhöht werdä.

Aber Hallo, wämer die Höchstwärt erhöht um de Betrag vom 13. dän händ doch ali wos würkli bruchäd de 13. sowieso. Die 88% von dä Räntner wo hüt kei Ergänzigsleischtigä überchömed, vor allem die wo knapp a dä Gränzä sind, werdäd weniger, es händ me Lüt Aschpruch uf me Ergänzigsleischtigä. Und zwar genau die wos bruchäd, nöd dä Millionär wo Dini Wonig vermietet und eh scho nöd weiss was er mit derä ganzä Chole mache söl wosem rundumä in Arsch schiebäd.

Wämer scho so vill Gäd wänd usgä söttedmer villicht zerscht s Hirni ischaltä. Höchschtgränze für Ergänzigsleischtige ufä und ändlich ächli weniger Bürokratie det. Dä Schtaat gset doch i dä Schtürerklärig wer Aschpruch uf Ergänzigsleischtigä hät und wer nöd, eifach usrächnä und uszalä! Fertig mit derä Scheiss Bürokratie!