Sali zäme
I finde mir händ sehr interessanti gspröch da i dem subreddit. Jedoch frögi mi, wie gsehts bi eu us mitem Traum vom eigeheim? Für die wo kei interesse händ a dem Thema, bitte nöd unnötige ine schriibe usw. - mir wüsses all mittlerwill, hät mir doch lieber 1972 am Buur Ruedi sis bauland abkauft für e chischte Bier und es mehrfamiliehuus drufbaut, hät ja nöd jede gwusst das im 21 jahrhunder so viel single wohnig huushälter es wird geh wo parat sind 3-4 tuusig zahle wills ide stadt sind.
Sind doch ehrlich vo afang a :)
1) werde dir es erbe oder vo de eltere unterstützt?
2) händ ihr eu scho e sparplan erstellt wie er da wönd astelle?
3) was macht eu sorge?
4) lebe dir mit eim konto als single; ghürote im Konkubine? Oder alles in einem Pot? Wie wänder da handle?
I bi dä weg gange, falls es öper interessiert, mit minere frau hani mit 26 d ersti eigetumswohnig bezoge (2017). E chlini 3.5 und dört au paar jahr glebt. S ganze ersparte a bargeld glupft (beidi, ohni pk oder 3a) und het klappt. E mega günstigi und glücksach gsi! Hüt hämers vermietet und hend dur da es passivs ikomme. De gedanke für nomal e wohnig zbezieh isch da, dfamilie isch miteme bueb erwiteret worde, also sind au budgetplan bizli andersch. Angst mache mir hypozinse wo ufe abe gönd, und halt susch dBauqualität vo de hütige neubaute ziit..
Danke für e tolli diskussionsrundi
